Gazel

İşidür bilür şu kim her yalunuzlar işidür

Hem ademden âlem ü âdem yaratmak işidür

İşidür kılmak durur ummânda nîsân katresin

Kim dün ü gün ay u güni yirde gökde işidür

Bîşidür halkun kemidür bilme şol kim bir içün

İgide terk itdügi altısı dördi bişidür

Rîşidür sanma nişânı ışk erinün ya sözi

Gözi yaşı benzi sazı sözi vü dil-rîşidür

Dişidür irkek degül şol kim sözi girçek degül

Ögme kim gökçek degül agzı sadef ya dişi dür

Bişidür halvadur ol cûmerdün arpa etmegi

Bal u yagından bahîlün gerçegi ger bişidür

Kişi dur bu defteri sakla Kemâl Ümmî sözin

Zîrâ ki söz ehli yüz bin kişide bir kişidür 

Sarıçiçek, Ramazan (1997). Kemâl Ümmî Hayatı, Sanatı ve Divanı (İnceleme-Metin). Doktora Tezi. Malatya: İnönü Üniversitesi. 516.

 Kemal Ümmi Hayatı Eserleri Menkıbeleri

Kemal Ümmi Divanı ve Diğer Eserleri