- - . / - . - . / . - - . / - . –

 

1.İtdükce gâhi girye-i mestâne gözlerüñ

 Murg-ı dili şikâre döker dâne gözlerüñ

 

2.Âvâre şol kebûter-i vahşî gibi hemân

 Geldükce bezme bakmada yabana gözlerüñ

 

3.Lübdür hezâr-zahmuma bir sûzen-i müje

 Baksa kaçan dike dike yârâne gözlerüñ

 

4.Cânâ musahhar itmemege çâre var mıdur

 Bir tîr gönderürse Tâtâr Hâne gözlerüñ

 

5.Bir gün ‘Atâyî bendeñi gamzeñ helâk ider

Âhir şerîk olur güzelüm kâne gözlerüñ