İtmiş tutalum sûz-ı dile hâme tahammül

İtmiş tutalum sûz-ı dile hâme tahammül
İtmek gereke havsala-i nâma tahammül

Olsa n’ola geh dilde gehî gözde hayâli
Kâbil mi meger germî-i hammâma tahammül

Çözmiş yine gülşende sabâ bend-i kabâsın
Bildüm yog imiş gonçede ibrâma tahammül

Çâk itdi girîbânını gül bezm-i çemende
Mestâne olup itmedi bir câma tahammül

İnsâf hele ancak olur sende Neşâtî
Bu za’f ile bâr-ı gam-ı eyyâma tahammül

İy dil bu kadar keş-me-keş-i gamla idersin
Dâ’im sitem-i düşmen-i hod-gâma tahammül

Sânî-i Nizâm’em dimesi hazm olınur mı
Olmış tutalum tafra-yı nazzâma tahammül

Neşâti Şiirleri

Neşati Divanı

Neşati Hayatı