İy sabâ peyk-i revânsın haberüm câna irür

GAZEL 

Fe'ilâtün / fe'ilâtün / fe'ilâtün / fe'ilün

İy sabâ peyk-i revânsın haberüm câna irür

Bu kulun hasretini Hazret-i Sultân'a irür

İşiği tozı ile tâze vü ter kıl ciğeri

Hasta vü teşneleri çeşme-i hayvâna irür

.

Zülf-i müşgîn ile âfâkı muattar kılıcak

Şemmesin bu dil-i miskîn-i perîşâne irür

Hüdhüd'ün hayretini âsaf-ı Cem-kadre yitür

Nâlesin mûrçenüm sem'-i Süleymân'e irür

.

Yoh hatâ didüm ol ay bezmine yohdur yile yol

İzin öp menzilini Zühre vü Keyvâne irür

Sâki ol gamzeye cân bağladı peymân-ı ezel

Bârî bî-hûş olalum bir iki peymâne irür.

Şeyhî'nün âh u duâsı eserin iy dem-i subh

Sıdk iledür nefesün Hüsrev-i İran'a irür

 Şeyhi Hayatı Edebi Kişiliği Eserleri

Şeyhi Hüsrev-i Şirin Mesnevisi

Şeyhi Harname Özeti Harnameden Bölümler

Şeyhi Divanı

Şeyhi Şiirlerinden Seçmeler