Kanlu yaşumla yazub yine fakîrâne ‘arz
05.04.2016Gazel
Kanlu yaşumla yazub yine fakîrâne ‘arz
İdeyin ahvâlümi ol şeh-i hûbâna ‘arz
Hicr eleminden bugün yâre nola aglasam
Lâbüd ider bendeler hâlini sultâna ‘arz
Firkat odından yanub her gice pervâneler
Hâlin ider her biri şem’-i şebistâna ‘arz
Lutfla ‘âşıklara mihr yüzin gösterür
Gün gibi hüsnin ne gün eylese cânâna ‘arz
5 Himmet iderdi tamâm Âsaf-ı devrân eger
Eylese Nazmî kulın şâh-ı Süleymâna ‘arz
0
0
Yorum Yapmak için Kayıt Olun veya Giriş Yapın