KategorilerŞİİRİSTANNeşâti ŞiirleriĶaśįde-Beççe-yi Şeyħ Neşāti DernaǾt-ı Ĥabįb-i Ħudā Muĥammed Muśŧafā

Ķaśįde-Beççe-yi Şeyħ Neşāti DernaǾt-ı Ĥabįb-i Ħudā Muĥammed Muśŧafā

02.09.2016

 

Ķaśįde-Beççe-yi Şeyħ Neşāŧi DernaǾt-ı Ĥabįb-i Ħudā Muĥammed Muśŧafā

ǾAleyhi’ś-Śalātu ve’s-Selām

 

FeǾilātün / FeǾilātün / FeǾilātün / FeǾilün

 

1. Niçe bir dilde bu endįşe-yi dünyā niçe bir

Niçe bir peyrevi-yi nefs-i ħod-ārā niçe bir

2. Niçe bir olmaya şimşįr-i ħuśūmet bir dest

Nefs-i bed kįşile dāǿim bu müdārā niçe bir

3. Böyle ġafletle geçer mi daħı şām u seĥerüñ

İrmeye ġāyete beyhūde bu sevdā niçe bir

4. Niçe bir bu’l-hevesāne bu safāhat dāǿim

Naķd-i Ǿömrüñ idesin yoķ yire ifnā niçe bir

5. Fikr-i dünyāyile ālūde olup bįpervā

Gelmeye yāduña aśla ġam-ı ferdā niçe bir

6. ŞuǾle-yi āhı idüp bedraķa-yı rāh-ı yaķįñ

Olmaya cilvegehüñ Ǿālem-i maǾnā niçe bir

7. Daħı gitmez mi derūnuñda bu ŧıflāne heves

Naķş-ı bįmaǾna-yı dünyāyı temāşā niçe bir

8. Ne bu kūrāne rūşen laġziş-i pā inśāf it

Olmaya dįde-yi cānuñ daħı bįnā niçe bir

9. Žāhirüñde ķanı ārāyiş-i taķvādan eŝer

Bāŧınuñ olmaya mirǿat-ı mücellā niçe bir

10. Sen iken mažhar-ı gül nüsħa-yı esrār-ı eźel

Yine sen bilmeyesin kendüñi ĥayfā niçe bir

11. Pāk olup jeng-i śuver āyine-yi ķalbüñden

Rūy-ı maǾnā daħı olmaya hüveydā niçe bir

12. Reng-i zerdi-yi nedāmet daħı itmez mi žuhūr

Niçe beraĥmet-i keyfiyyet-i śaĥbā niçe bir

13. Mesti-yi Ǿışķ-ı mecāz irmedi mi ġāyetine

Kendüñi eyleyesin Ǿāleme rüsvā niçe bir

14. Ŧaķasın gerdenüñe kendü elüñle zincįr

Ķayd-ı dil-bestegi-yi zülf-i muŧarrā niçe bir

15. Niçe bir keşmekeş-i maǾreke-yi kān-ı yekūn

Şöhret-i Ǿālem içün ħalķile ġavġā niçe bir

16. Cevher-i źātuñı bil kān-ı vücūdun fehm it

Baĥŝ-i bįhūde-yi māhiyyet-i eşyā niçe bir

17. ǾĀrif ol cümleyi bil noķŧa-yı vaĥdette tamām

Fikr-i taķsįm-i cüz-i lāyetecezzā niçe bir

18. Naķd-i cān bir kef-i taķsįm daħı olmamısın

Ŧālib-i gevher-i gencįne-yi baŧĥā niçe bir

19. İştiyāķ-ı dili Ǿarż it bu iki beytile var

Niçe bir olmaya dilde bu temennā niçe bir

 [83b] 20. Naħl-i nāzük daħı itmez mi saǾādetle ķıyām

İştiyāķuñla gezüp mihr ola bįcā niçe bir

21. Niçe bir baġrına ol seng-i siyāhı baśsun

Ĥasret-i Ħālık ile KaǾbe-yi Ǿulyā niçe bir

 

Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012

 

Neşâti Şiirleri

Neşati Divanı

Neşati Hayatı

 

Yorum yapmak için lütfenKayıt Olunya da