Kasîde-i Şütür-i Hücre
24.07.2017
Kasîde-i Şütür-i Hücre
[Mefâ’ilün Fe’ilâtün Mefâ’ilün Fe’ilün]
· − · − / · · − − / · − · − / · · −
1 Benüm şütür yüki gamdur tolu ki hücre-i ten
Şütür yatagı görürem bu hücre-i teni ben
Şütür yatagına dönse ‘aceb mi hücre-i dil
Ki hücre-i dile toldı şütür yük-iyle mihan
Şütür yüki gam-ıla dil bu hücre-i tende
Şu hücredür ki şütür ola pür o pîrâmen
Niçe şütür yüki gam hücre-i dil içre ki var
Şütür yüki gama ten hücresidurur mahzen
5 Döner şu hücreye kim baglayalar anda şütür
30
Şütür gazab dile ten hücresin ki;olur mesken
Şütür-dilüñ gazaba gelse hücresi olur
Başına teng şütür-veş olur o hücre-şiken
Şütür-dil olan-ıla varub olma hem-hücre
Şütür-dilüñ ebed olmaz çü hücresi me’men
Uyub şütür dilüñe hep birûn hücrede sen
Şütür-dilüñ tutamazsın derûn-ı hücrede sen
Şütürdurur dil-i ser-keş derûn-ı ten-i hücre
Şütür yatagı olunmak o veche hücre neden
10 Şütür misâlidür ol kes ki hücreye sıgmaz
Yıkar şütür gibi ne hücre olsa gayzından
Şütür ki hücreye gire olur cihân aña teng
Dil ol şütürdür aña hücredür derûn-ı beden
Şütür-dil olma sükûn üzre hücreñi bekle
Şütür-veş alma cihân hücresinde kîn elden
Şütür-dil olur o kim gire hücre-i kîne
O hücreden çıkub ola şütür gibi reh-zen
Şütür ki kükremiş ola olur mı hücrede hîç
Yıkar ne şek o şütür hücre olsa da âhen
15 Şütür ki kükreye her hücre-i tene çekinür
Olur şütür dil o ten hücresiyle merd-efken
Ola o kes ki şütür-kîn ne hücreye varsa
O hücre ehline olur şütür gibi düşmen
O dil kim ola şütür kînlü hücre-i tende
Olunsa n’ola ol ol hücrede şütür gibi zan
Var-ısa hücre-i tende n’ola şütür gibi dil
Şütür ki esrük ola hücre tutmaz imdi iñen
Şütür gibi esirür hücre-i bedende göñül
Şütürle hücreden ola ne dem ki niçe sühen
20 Şütür gibi idemezsin dilüñi hücrede zabt
Dilüñ şütür gibi gezmekde hücresin koyuban
Şütür dil olmagı ko kabr hücresin fikr it
31
O hücre mest şütür-veş açubdur imdi dehen
Misâl-i hücre durur merkadüñ şütür tâbût
Göregör ol şütür u hücre kaydunı erken
Şütürle hücre ki tâbût u kabrdür göriser
O hücre vü şütüri imdi cümle merd-ile zen
Derûn-ı hücrede hırs üştürinden eyle hazer
Birûn-ı hücrede hırs üştüridurur düşmen
25 Gel urma hücre-i ten rahtın üştür-i hırsa
Ki raht-ı hücre girândur şütürdür âbisten
Bu hücreden şütür-i ‘azm-ile şeh-i merdân
Şütür sürüb o cinân hücresinde tutdı vatan
Bu hücreden şütür-i ‘azmi tâ ki sürdi o şâh
Yöneldi hücre-i ‘Adn’e şütür hem ol demden
Yer-ile hücre-i dehre vü üştür-i hırsa
Ne hücre didi ne üştür misâl-i Veys-i Karan
Şütürle hücre o şâha degül mi ‘izzet-i tam
Kim ola Tûr-ı şütür hücre vâdî-i Eymen
30 Şütürle hücre ki;olubdur hikâyete mebnî
O hücre vü şütürüñ vâkıfı Hüseyn ü Hasan
Şütürle hücrede kim bir münâsebet yok lîk
Didi bu nazmı şütür-i hücre âferîn ahsen
Degül mi ki hüner ol kim diye şütür-i hücre
Şütürle hücrede aslâ münâsebet yogken
Şütürle hücre kim olundı yâd olısardur
Şütür cenâze dahı kabr-i hücre bî-revzen
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr
Yorum Yapmak için Kayıt Olun veya Giriş Yapın