Ķaśide-yi Fużūlį DernaǾt-ı Ĥażret-i Sulŧān-ı Enbiyā

Ķaśide-yi Fużūlį DernaǾt-ı Ĥażret-i Sulŧān-ı Enbiyā Śallallāhu ǾAleyhi ve

Sellem158

MefāǾįlün / MefāǾįlün / MefāǾįlün / MefāǾįlün

1. Çeker bįraĥmlar yanında her sāǾat zebān ħançer

Günāhım ŝābit eyler ölmegim ħāŧır-nişān ħançer

Zülāl-i vaślına leb-teşneyim bir Türk-i bed-ħūnuñ

Kim andan ķaŧre-yi āb istesem dartar revān ħançer

3. Virir pervāne öz cānın saña çün iħtiyār ile

Ne ĥācet şuǾleden ey şemǾ çekmek her zamān ħançer

4. Ĥazer ķıl gezme çoķ pervāsız ey bülbül ki ķatlüñçün

Tikenden dāmeni altında ķılmışdır nihān ħançer

5. Müjeñ ķanım töküp ġamzeñ alur cānım Ǿaceb śanma

İşidür tökse ķan oķ Ǿādetidür alsa cān ħançer

6. Ķaşuñla gözlerüñdür her ŧaraf ya bir nizāǾ üzre

Çeküpdür birbirine iki serħoş Türkmān ħançer

7. Ħayāl-i ġamzeñ ile pes ki rāĥat gitdi cismimden

Śanasın pehlū-yı çākimdedür her üstüħˇān ħançer

8. İletsem ħançerüñ şevķini ķabre her bahār olġaç

Olur sebze yerine ħāk-i ķabrimden Ǿıyān ħançer

9. Ķocar zerrįn kemerle belüñi veh bu ne ŧāliǾdür

Ki altun ķuvvetiyle bile olmış kāmrān ħançer

10. Ħayāli gözdedir kirpiklerüñ depretme ey merdüm

Edeb şarŧı degül mihmāne çekmek mįz-bān ħançer

11. Göz açıp bū-sitāna ħaŧŧ-ı sebzüñsiz nažar ķılsam

Görinür gözlerime sebze-yi her bū-sitān ħançer

12. Dehānuñ yoķ dimişler söyle bu güftār ķandedir

Belüñ peydā degüldi ķande ŧutmuşdur mekān ħançer

13. Muĥāl-i Ǿaķlıdur kim ola müjgānuñ gibi ħūnį

Eger üstād elinden śu yerine içse kān ħançer

 [63a] 14. Ruħ-ı zerdim śalıpdur ħançerüñ gözgüsine Ǿaksin

Veyā simįn belüñde dutduġuñdur zer-nişān ħançer

15. Zebān-ı tįz ile ortaya girmiş muttaśıl guyā

Olam dir mādiĥ-i peyġamber-i āħir zamān ħançer

16. Şehinşāhı ki tįġ-i ābdārı žāhir olduķda

Elinde śaldı Ħusrev nįze vü Nūşırevān ħançer

17. Yemenden baş çekende mehçe-yi rāyāt-ı iķbāli

Bıraķdı tįre topraġa şeh-i Hindū-sitān ħançer

18. Śaf-ārā-yı meśāff-ı Bedrdür ižhār-ı muǾcizde

Şikāf-ı perniyān-ı Bedr içün ķılmış nihān ħançer

19. ǾAdū-yı cāhınuñ ķaŧǾ-ı ĥayātıyçün çeker her ay

Ġılāf-ı lāciverdįden hilāl-i āsmān ħançer

20. Seĥer-feyżi ki dün tek tįre ķılmazdı dil-i śāfın

Güneş tek ķasdına çekseydi biñ nāmihrbān ħançer

21. Suħan ŧabǾı ki ruħsāre siper tek çįn bıraķmazdı

Eger ķaśdına çekseydi ķamū ehl-i zebān ħançer

22. Olurdı dįde-yi bed-bįne ižhār-ı nübüvvetde

Anuñ gönderdigi her nāme-yi muǾciz-beyān ħançer

23. Ġazālarda duǾā-yı cevşenįne çāre ķılmazdı

Özin her niçe ķılsa tecrübe tįr imtiĥān ħançer

24. Eyā Şāhį ki bāħısm ħançer-i şerǾün nižāmiyçün

Çeküpdür biñ şehinşeh tįġ ü biñ śāĥib-ķırān ħançer

25. Eger nāmūs-ı şerǾin olmasaydı ħalķa müstevlį

Ne bir pür-dil çekerdi tįġ ü ne bir pehlevān ħançer

26. Naķıś-ı ĥükmünüñ ķaŧǾ-ı fesādiyçün eliflerden

Kelāmullāh bįĥad tįġ çekmiş bįgirān ħançer

27. Münāfıķ idebilmez şerǾüñe medħal ki cevrüñde

Melāǿik perr ü bālin görse eylerdi gümān ħançer

28. Biĥamdillāh ki ĥālā dįde-yi bed-ħˇāha naǾtuñdan

Fużūlį nažmınuñ her saŧrıdur bir cān-sitān ħançer

29. Zebān-ı Fārisi iŝbāt-ı iǾcāzuñda küffāre

Gehį ħūn-rįz nāvek gösterir ki cān-sitān ħançer

30. ŞefįǾül-müźnibįnā maĥşer eyyāmı ki dūzaħdan

Çeker her laĥža mücrim ķaśdına bir bįemān ħançer

31. Budur ümmįd kim maĥfūż olam ĥıśn-ı penāhuñda

Ġılāf içre nitekim śaķlanur görmez ziyān ħançer

Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012

  Fuzuli Leyla İle Mecnun

Beng ü Bade

Arapça Farsça Divan

 Rind ü Zahid

Matlau'l itikad