Ķaśįde-yi Fużūlį DernaǾt-ı Şehsüvār Baŧĥa vü Yeŝrib ǾAleyhi’t-Taĥiyye
Ķaśįde-yi Fużūlį DernaǾt-ı Şehsüvār Baŧĥa vü Yeŝrib ǾAleyhi’t-Taĥiyye Ve’tTeslįm
MefāǾilün / FeǾilātün / MefāǾilün / FeǾilün
1. Ne kim śaĥįfe-yi tedbįre Ǿaķl ider masŧūr
Śaġınmañ anı olur olmaz olmayan maķdūr
2. Hevā-yı dār-ı belā umma her hevāyįden
Kim [ol] maķāmdadur ser-bülend olan Manśūr
3. Ĥarįf-i erre-yi ġam śanma her ķurı aġacı
Ki yazılur Zekeriyyā adına ol menşūr
4. Dil-i pür-āteş-i Ǿāşıķdur āh-ı serd ile ħoş
Olur bürūdete māǿil ŧabāyiǾ-i maĥrūr
5. Füsürde zāhid eger Ǿāşıķ-ı ciger-sūza
Refāķat itse yüz il žulmetine düşmez nūr
6. Śaġınma bir arada iħtilāŧ ķılmaġ ilen
Dutar mizāc-ı ķaranfil ŧabįǾat-ı kāfūr
7. Ħoşem ki Ǿışķ ile rüsvā-yı ħāś u Ǿāmım ben
Felek bu şįve ile eylemiş beni meşhūr
8. Müdām naķd-i hevā ħāŧırımdadur meknūn
Hemįşe źikr-i muĥabbet dilimdedir meźkūr
9. Niçüñ hevāne muĥabbet meveddet-i şāhi
Ki ħalķadur sebeb-i feyż-i Kirdgār-ı ġafūr
10. Meh-i sipihr-i nübüvvet Muĥammed-i Ķureşį
[61b] Çerāġ-ı şām-ı ebed āftāb-ı śubĥ-ı nüşūr
11. Şehinşehi ki Süleymān-ı mülk-i maǾni olup
MuŧįǾ oldı aña cinn ü ins ü vaĥş u ŧuyūr
12. Cihānı açmaġ içün ŧapşırıldı ĥażretine
Kilįd-i maĥzen-i maĥrūsa-yı vuķūf u şuǾūr
13. Yitürdi silsile tār-ı ĥisāb-ı hicretine
Üzülmesün diyüben rişte-yi sinįn ü şühūr
14. Şikest nuķre-yi ħāliś-Ǿayārıma ķomadı
ǾAyār-ı nuķre-yi źātında iĥtimāl-i küsūr
15. Ruħ u ķadįrdür olan ħalvet-i cinān içre
Çerāġ-ı meclis-i ġılmān u şemǾ-i maĥfil-i nūr
16. Ne şek ki aķdı bir āride parmaġından śu
Bu şerĥadur mutażammun ħuŧūŧ-ı mevc-i buĥūr
17. Muħālif emrinedür bāde kim ayāġa düşer
Naķįśdur aña kim gūş-māl pür-ŧanbūr
18. Eyā şehį ki gürūĥ-ı peyamber-i mürsel
Behişte baśmaz ayaķ senden almadın destūr
19. Egerçi ħāmeye el urmaduñ elüñde idi
Ħaŧ-ı beŧālet-i İncįl ü ĥarf-i nesħ-i Zebūr
20. Ne söz ki anda senüñ yoķ rıżā-yı ħuddāmuñ
Ķalur serāy-ı ŧabįǾatde tā ebed maĥśūr
21. Bıraķ ĥicāb niķābın güzel cemālüñden
Ki tā göre seni ortada görmeyen niçe kūr
22. Bu mesned içre niçe mest-i ħˇāb-ı nāz olasın
İrişdi śubĥ gel aç imdi nergis-i maħmūr
23. Fesād ehl-i cihāna bıraķdı yüz feterāt
Ķıyāmet oldı ne yatmaķ mecālidür ŧur odur
24. Zamāne muntažır-ı iķtidā-yı emrüñdür
Sözüñ ne ise yürüt buyruġuñ ne ise buyur
25. Fetaĥtü Ǿayne ricā-yı beseyfike’l-ķāŧıǾ
Ķad istinaǾat bihi min Ǿaduvvuke’l-maķhūr
26. RecǾatu inneke taķđe’l-umūrı fį yevmen
Be emri Rabbike ķad türciǾi ileyke’l-umūr
27. Lezemtü źeylüke ercū rıżāke fi’đ-đāreyn
Kefį vüŝūku ricā-yı beluŧfike’l-mevķūr
28. Şehā Fużūlį-yi dil-ħastaem bihamdillah
Reh-i şerįǾatüñe tābiǾ emrüñe meǿmūr
29. Olup durur sözümüñ nažm u neŝri naǾtuñda
Hemįşe gevher-i manžūm [u] lüǿlüǿ-yi menŝūr
30. Feśāĥat ehli arasında iǾtibārım var
Ne iǾtibār ger olduysa heyǿetim maĥķūr
31. Özüm ĥaķįr beġāyet sözü müfįd velį
Niçün ki ĥükm miŝālinde saŧr-ı beyne suŧūr
32. Ümįdvār ki dutduķça mülk-i rūħ-ı nižam
Ümįdvār ki tapduķça Ǿahd-i Ǿömr mürūr
33. Mürūr-ı Ǿömri ŝenā-yı Resūl ilen geçürem
Ölende anı idem armaġān-ı ehl-i ķubūr
Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012
