Ķaśįde-yi Nef'į Derna't-ı Ĥabįb-i Ekrem ü Resūl-i Muĥterem Śallallāhu Aleyhive Sellem
Ķaśįde-yi Nef'į Derna't-ı Ĥabįb-i Ekrem ü Resūl-i Muĥterem Śallallāhu Aleyhive Sellem
FāǾilātün / FāǾilātün / FāǾilātün / FāǾilün
1. ǾUķde-yi ser-rişte-yi rāz-ı nihānįdür sözüm
Silk-i tesbįĥ-i dür-i sebǾa’l-meŝānįdür sözüm
2. Bir güherdür kim nažįrin görmemişdür rūzgār
Rūzgāra Ǿālem-i ġayb armaġanıdur sözüm
3. Rūzgār iĥsānımı bilmiş benim ya bilmemiş
ǾĀleme feyż-i ĥayāt-ı cāvidānıdur sözüm
4. Ehl olan ķadrin bilür ben gevherim medĥ eylemem
ǾĀlemün sermāye-yi deryā vü kānıdur sözüm
5. BįǾaraż bir cevher-i śāfįdür ammā muttaśıl
Ehl-i ŧabǾuñ zįver-i tįġ ü sinānįdür sözüm
6. YaǾni kim endįşe-sencān-ı cihānuñ dāǿimā
Hem śarįr-i kilki hem vird-i zebānįdür sözüm
7. Bir benim gibi cigerdār ehl-i ŧabǾ olmaz daħı
Cevher-i tįġ-i ķażā-yı nāgehānıdur sözüm
8. Ġamze-yi dilber n’ola reşk eylese endįşeme
Ĥırz-ı bāzū-yı dil-i śāĥib-ķırānįdür sözüm
9. Ol ķadar pür-şįvedür gūyā ki bikr-i fikrimüñ
Ġamze-yi merd-efgen-i nāmihribānįdür sözüm
10. Ol ķadar dil-sūzdur gūyā ki bir şūħ āfetüñ
Nāvek-i müşgįn-kemān-ı ebruvānįdür sözüm
11. Āyet-i nūn ve’l-ķalemdür muśĥaf-ı sįnemde yā
Rüstem-i endįşemüñ tįr ü kemānıdur sözüm
[88b] 12. Bir gülistāndur ħayālim dil şüküfte bülbüli
Ol gülistānuñ laŧįf āb-ı revānıdur sözüm
13. Bir şebistāndur devātım ħāme zengi ħādimi
Ol şebistānuñ Ǿarūs-ı dilsitānıdur sözüm
14. Āferįniş ŧūŧi-yi endįşeme bir dāmdur
Kim o dāmuñ dāne-yi pür-imtinānıdur sözüm
15. Kimse inkār idemez māhiyet-i endįşemi
Ehl-i reşküñ nüsħa-ı Ǿaķd-i lisānıdur sözüm
16. Āfet-i Ǿaynü’l-kemāl-i reşk kār itmez baña
DefǾ-i zaħm-ı çeşm-i Ħallāķ-ı MaǾānidür sözüm
17. Ħāk-ı pāyım sürme eylerse Ǿaceb mi rūzgār
ǾUnśur-ı rūĥ-ı kemāl-i Iśfahānidür sözüm
18. İşte Ħallāk-ı maǾāni şimdi geldi Ǿāleme
Gūş idüñ āŝārını kim tercemānıdur sözüm
19. Soñra gelsem dehre Ħallāķ-ı maǾāniden n’ola
Ķālib-i ħuşk-ı ħayāle rūĥ-ı ŝānįdür sözüm
20. Nüktede Ǿālem ĥarįf olmaz baña gūyā benim
Her ne söylersem cevāb-ı len terānįdür sözüm
21. Her ne söylersem ķażā mažmūnını iŝbāt ider
Anı bilmez kim ħiŧāb-ı imtiĥānıdur sözüm
22. Ben ne Keşşāfım ne śāĥib-keşf ammā maǾnįde
Mū-şikāf-ı nüktehā-yı āsmānįdür sözüm
23. Biñde bir maǾnā-yı nažm itmem yine bir lafž ise
Yoķlasan mecmūǾa-yı rāz-ı nihānidür sözüm
24. Ĥāsid-i kec-rev ħayāle rāst gelmezse n’ola
Ehl-i dil yārāne her dem yār-ı cānıdur sözüm
25. Ben cihān-ārā şehenşāh-ı cihān-ı maǾnayım
Sözlerüñ de pādşāh-ı Kāmrānidür sözüm
26. Dönse şemşįr-i ħaŧįbe n’ola şemşįr-i zebān
Mülk-i nažmuñ ħıŧŧa-yı emn ü emānįdür sözüm
27. ŦabǾımuñ bir tercemān-ı ter-zebānıdur ķalem
Ħāmemüñ bir hem-zebān-ı nüktedānıdur sözüm
28. Pāsbān olmış bir ejderdür ķalem genc-i dile
Kim o gencüñ şeb-çerāġ-ı pāsbānıdur sözüm
29. Tā śabāĥ-ı ĥaşre dek biñ mübtelāyı mest eder
Bezm-i Ǿışķuñ neşve-yi raŧl-ı girānidür sözüm
30. Rind-i huşyārım ħarābāt-ı muĥabbetdür dilim
ǾĀşıķ-ı hercāyiyim vaĥdet nişānıdur sözüm
31. Olalı peyġamber-i āħir zamāne naǾt-gū
Āb-ı rūy-ı ümmet-i āħir zamānıdur sözüm
32. NaǾt-ı şāhenşāh-ı evreng-i nübüvvet kim anuñ
Feyż-i medĥ ile dilüñ cān u cihānıdur sözüm
33. Cān-ı Ǿālem faħr-ı Ādem Aĥmed-i mürsel ki tā
Ĥaşr olunca naǾt-gūy u naǾt-ħˇānıdur sözüm
34. Olalı ġavvāś-ı deryā-yı ħayāl-i midĥati
Cevheri-yi ŧabǾımuñ zįb-i dükānıdur sözüm
35. Ol ķadar el virdi maǾni feyż-i evśāfile kim
Gūyiyā miftāĥ-ı genc-i şāygānįdür sözüm
36. Kevkeb-efşān āftāb olmazda ger ol maşrıķuñ
ǾAķd-ı pervįn-i gusiste-rįsmānıdur sözüm
37. Maşrıķ-ı śubĥ-ı hidāyetdür ŝenāsiyle dilim
Mihr-i ķudsį pertev-i kevkeb-nişānįdür sözüm
38. Başlasam miǾrācını taĥķįķe āb u tāb ile
Gevher-i şehvār-ı gūş-ı Ümmihānįdür sözüm
39. ǾAdd olınmaz muǾcizātı ĥadden efzūn n’eylesün
Gerçi kim bir rāvi-yi muǾciz beyānıdur sözüm
40. Gerçi ben dūrum cenābından hele şükrüm budur
Çehre-fersā-yı cenāb-ı āstānįdür sözüm
41. NefǾiyim endįşe-yi medĥ ile oldum kāmyāb
Nāmurādān-ı cihāna müjdegānįdür sözüm
42. Ħāk-pāy-ı naǾt-gūyānım ki Ǿarş-ı Ǿažamuñ
Źikr ü tesbįĥ-i lisān-ı ķudsiyānįdür sözüm
43. Şād-kām oldum neşāŧ-ı feyż-i naǾt-ı pāk ile
Şimdiden śonra duǾā-yı şādmānįdür sözüm
44. Tā ki maǾnā-yı laŧįf-i lafż-ı reng-āmįz ile
Rūzgāruñ bir dilāver dāstānidür sözüm
45. Her dem endįşemden olsun rūĥuna yüz biñ selām
ǾArşa dek įśāle peyk-i rāygānįdür sözüm
Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012
Nefi Hayatı Edebi Kişiliği Eserleri
Nefi Seçkin Şiirleri Gazel ve Kasideleri
Nefi Divanı ve Seçilmiş Şiirleri
Nefi’yi idama götürmesi muhtemel şiiri
