Mâl ü câh u şevket-ise ger bu dünyâdan garaz
05.04.2016Gazel
[Fâ’ilâtün Fâ’ilâtün Fâ’ilâtün Fâ’ilün]
Mâl ü câh u şevket-ise ger bu dünyâdan garaz
Pes nedür bünyâdı yok bu kurı gavgâdan garaz
Devlet-i dünyâ ki hîç aslâ sebâtı yok anuñ
Pes nedür yâ yok yire anı temennâdan garaz
Her nazarda ‘ibret almakdur basîret ehline
Kâr gûn-â-gûn u devrânı temâşâdan garaz
Hisse-dâr olmakdurur hâlât-ı ‘aşk-ı pâkden
İstimâ’-ı nâle-i murg-ı hoş-âvâdan garâz
5 Karalarsın sufha-i evrâkı göz nûrın döküb
Bilmezem Nazmî nedür saña bu sevdâdan garaz
0
0
Yorum Yapmak için Kayıt Olun veya Giriş Yapın