Murabba’
[Mef’ûlü Mefâ’îlü Mefâ’îlü Mefâ’îl]
− − · / · − − · / · − − · / · − −
-I-
Hîç olmaz o kim hem-dem ola ‘âşıka ma’şûk
Ma’nâdâ olur özge belâ ‘âşıka ma’şûk
Kılmaz ebedî mihr ü vefâ ‘âşıka ma’şûk
Her gâh ider cevr ü cefâ ‘âşıka ma’şûk
-II-
‘Âşık çeker envâ’-ı gamı bârını her bâr
Ammâ ki niçe niçe vefâsın görür agyâr
Olmaz ebedî ‘âşıkına hem-dem olub yâr
Her gâh ider cevr ü cefâ ‘âşıka ma’şûk
-III-
Agyârla her gâh olur âh ki hem-dem
Agyâr eyler niçe ‘âlem dahı hem dem
Turmaz getürür ‘âşıkınuñ hâtırına gam
Her gâh ider cevr ü cefâ ‘âşıka ma’şûk
-IV-
Her gâh olur âh berî mihr ü vefâdan
Olmaz dahı hâli dün ü gün cevr ü cefâdan
Hazz almaz ebed ‘âşıkla zevk ü safâdan
Her gâh ider cevr ü cefâ ‘âşıka ma’şûk
-V
Ne deñlü niyâz eylerse ‘âşık-ı miskîn
Arturur aña nâzını ma’şûk nigârın
Nazmî budurur hâl hemîn böyle âyîn
Her gâh ider cevr ü cefâ ‘âşıka ma’şûk
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr