KategorilerŞİİRİSTANNevizade Atai Atayi ŞiirleriNev-bahâr oldı güzeller yine seyrâna çıkar

Nev-bahâr oldı güzeller yine seyrâna çıkar

08.04.2016

 

. - - / . . - - / . . - - / . . -

 

1.Nev-bahâr oldı güzeller yine seyrâna çıkar

 Tonanup her biri gül gibi gülistâna çıkar

 

2.Hûblar bâdeye meyl eyledi nev-rûz irişüp

Yine sohbet göresin ‘âşık-ı nâlâne çıkar

 

3.Yakalar çâki iner lâle-sıfat dâmâne

 Gulgul-ı bezm-i safâ günbed-i gerdâne çıkar

 

4.‘Aşkuñ âvâreleri şevk ile mânend-i habâb

 Baş göstermez iken her biri meydâne çıkar

 

5.‘Aklum aldı diyü ‘uşşâk şikâyetler ider

 Korkarın bu dil-i şeydâ dahi dîvâne çıkar

 

6.Bezm-i meyde dökilür sîm-i sirişk-i ‘uşşâk

 Sen de ey dîde-i gam-dîde harîfâne çıkar

 

7.Eyleseñ râh-ı muhabbetde ne deñlü tek ü pû

 Ey ‘Atâyî ötesi vâdi-i hicrâna çıkar

 

 Nevizade Atai Nev'îzade AtâyiHayatı Eserleri

Nev'izade Atayi'nin Hamsesi Ve Hezliyat

Nev'izade Atayî Divanı Hadaikül Hakayık Şakayık Zeyli

Nevizade Atai Alemnüma ve Sakiname Mesnevisi

Yorum yapmak için lütfenKayıt Olunya da