KategorilerŞİİRİSTANBağdatlı Ruhi ŞiirleriOlçeşm-i fitne-sâza olal’dan karîn kırân

Olçeşm-i fitne-sâza olal’dan karîn kırân

10.04.2016

 

Olçeşm-i fitne-sâza olal’dan karîn kırân

Bulmaz belâdan olmağa kimse emîn emân

 

Erdi zamân-ı ıyd u salâ oldı işrete

Böyle zamânda bâdeye itmek yemîn yemân

 

Gül-ruhlar ile âlemi var bâğ-ı âlemün

Bulmaz bihişt olursa şeref bî-mekîn mekân

 

Göğsin gererdi aşkda Mecnûn aceb midür

Tîr-i belâya olsa o sahrâ-nişîn nişân

 

Ağlan beni ki katlüme çarh-ı sitîze-kâr

Kurmış kazâyile meh-i nevden kemîn kemân

 

Ol mâh firkatinde ne yirde ne gökdeyin

Necm-i sirişküm ile bir oldı zemîn zemân

 

Đki cihândan el çek eğer ehl-i Hakk’isen

Ehl-i Hak'a harâmdur ey dil hemîn hemân

 

Rûhî bedîhî söyledi bu şi'r-i dil-keşi

İster eğerçi dimesine bu zemîn zemân

 

(Ak 2001: 873/860)

 

Bağdatlı Ruhi Divanı

Bağdatlı Ruhi Hayatı

Yorum yapmak için lütfenKayıt Olunya da