Redd-i Matla: İncinme cevrine dahı ol mâh tâzedir

İncinme cevrine dahı ol mâh tâzedir

Bilmez nevâziş-i dili bi’llâh tâzedir

 Bîgânelerle cünbişi ol nahl-i nevresin

 Âha havâle eyler idim âh tâzedir

 Gözler görüp o mâhı kulaklar işitmemiş

 Güft u şenîdi âleme her gâh tâzedir

 Ol mâh-ı nev rakîb ile yabana gitmesin

 Bilmez ne olduğun hatar-ı râh tâzedir

 Olmuş berât-ı hüsnüne kayd-ı hayât o hatt

 Hatt tâze hüsn tâze o nevcâh tâzedir

 Ey Nâilî sakın dem-i serd-i hezârdan

 İncinme cevrine dahı ol mâh tâzedir (G/76)

Naili  Şiirleri

Naili  Hayatı

Naili Divanı