Sadef-i Sad Güher’den
Şuarânun aransa güftârı
Yüze çıkmaz güzîde eşârı
Bikr-i mazmûn ola edâ-yı bülend
Böyle kırk elli şire ol hursend
Bir zamânda bu mâlik-i güftâr
Eylemişdüm be-emr-i fermân-kâr
Niçe dîvânı intihâb-ı dürüst
Biri nazm-ı Hayâlî idi nühüst
Biri Fevrî biri Necâtî idi
Birisi Vâridât-ı Zâtî idi
Her birinde be-hakk-ı Azze ve Cel
Otuza kırka çıkmamışdı gazel
Beyt ü matla bulınsa kâbildür
Nâdir ammâ ki şir-i kâmildür
Hamdü lillâh beni kılan Deyyân
İki dîvâna Hüsrev-i devrân
Nazmumun kıldı ekserini güzîn
Bikr-i mazmûnı lâyık-ı tahsîn
Ehl olan görsün iki dîvânum
Ben ögünmem bilür bilen şânum
Vâridâtü’l-Enîka’mı okusun
Lâyihâtü’l-Hakîka’mı okusun
Bile tâ ben nice sühan-dânam
Mülket-i nazm u nesre hakanam
https://www.turkedebiyatiisimlersozlugu.com/index.php?sayfa=detay&detay=943
0
0
Yorum Yapmak için Kayıt Olun veya Giriş Yapın