Şâdî-i vuslat niçin tahmîl-i nâz eyler bana

Şâdî-i vuslat niçin tahmîl-i nâz eyler bana
 

Şâdî-i vuslat niçin tahmîl-i nâz eyler bana
Rind-i şâdî-düşmenim ben gam niyâz eyler bana 

Nâ-ümîd ol haste-i cân-der-gulûyum kim kazâ
Baht-ı bîmârı tabîb-i çâre-sâz eyler bana

Bir dil-i bîtâb ile bin gamzeye âmâdeyim
Ey diyen hükm-i kazâdan ihtirâz eyler bana

Baht-ı pür-âzârın eylerse telâfîsin yine
İltifât-ı gamze-i hâtır-nevâz eyler bana

Eylemem mazmûnuna Cibrîli mahrem Nâ’ilî
Gamzeler kim fitneden ifşâ-yı râz eyler bana

Naili  Şiirleri

Naili  Hayatı

Naili Divanı