Sâkî ki dergehinde gedâdur Cem-i neşât

NEŞAT REDİFLİ GAZEL 

Sâkî ki dergehinde gedâdur Cem-i neşât
Eyler gedâyı hüsrev-i dil-hurrem-i neşât

Degmez mi ‘ömr-i Hızra hayât-ı Mesîh ile
Dilberle bezm-i meyde geçen bir dem-i neşât

Dil şekve-sâz hecr-i dili gâhî ‘ışk ile
Bir hâlet elvirür ki olur ebkem-i neşât

Pejmürdedür hemîşe gül-i bahtumuz yine
Olsa çekide şâm u seher şebnem-i neşât

Eyler Neşâtîyâ dili her kayddan halâs
İnkâr olur mı meyde olan ‘âlem-i neşât

Neşâti Şiirleri

Neşati Divanı

Neşati Hayatı