Gazel: Sana zâhid eğer derse şarâb-ı dilgüşâdan geç
Sana zâhid eğer derse şarâb-ı dilgüşâdan geç
Şarâb-ı dil-güşâdan geçme ey dil sen riyadan geç
Sana ehl-i vefadan geç deyü ibram ederlerse
Sen uyma sevdüğüm ağyâr-ı bed-gûya cefâdan geç
Dalâlet bir belâdur başda amma defi âsândur
Gel ey zâhid mürîd-i pîr-i aşk ol ol belâdan geç
Demem elden safâ-yı camı ko tesbîhden el çek
Ne zikr-i Hakk'dan ol fariğ ne câm-ı dilgüşâdan geç
Bekaa bezmindedür Ruhî safâ-yı bâde-i vahdet
Erişmekse garaz ol zevke bu bezm-i fenadan geç
(Başlangıcından Günümüze Kadar Büyük Türk Klâsikleri, 4. c, İstanbul, 1986, s. 117-122)