GAZEL 

 

Mefâ'îlün / mefâ'îlün / mefâ'îlün / mefâ'îlün

 

Sana zâhid eğer derse şarâb-ı dilgüşâdan geç

Şarâb-ı dil-güşâdan geçme ey dil sen riyâdan geç

 

Sana ehl-i vefâdan geç deyü ibrâm ederlerse

Sen uyma sevdüğüm ağyâr-ı bed-gûya cefâdan geç

 

Delâlet bir belâdur başda amma def'i âsândur

Gel ey zâhid mürîd-i pîr-i aşk ol ol belâdan geç

 

Demem elden safâ-yı câmı ko tesbîhden el çek

Ne zikr-i Hakk'dan ol fâriğ ne câm-ı dilğüşâdan geç

 

Beka bezmindedür Rûhî safâ-yı bâde-i vahdet

Erişmekse garaz ol zevke bu bezm-i fenâdan geç.


    Bağdatlı Ruhi Divanı

Bağdatlı Ruhi Hayatı