Sīnem üzre zaẖm·ı ġamzeñ rāḥat·i cāndur baña
Ġamzeñ oḳları ̮ile ölmek ẖāb·ı bārāndur baña


Ey ḳarañu gicelerde gezdügüm menʿ eyleyen
Berḳ·i āh·ı tāb-nāküm māh·ı tābāndur baña


Her kişinüñ ẓulmine sulṭān olanlar dād ider
Baña kim dād ide ki ̮iden ẓulmi sulṭāndur baña


Nāfe dirmiş zülf·i ʿanber-bār·ı dil-ber var iken
ʿĀlem içre müşg adı bir ḳuru bühtāndur baña


Dem-be-dem ḥāsidlerüñ ṭaʿnı oḳın menʿ itmege
Dāġ·ı miḥnet sīnemüñ üstinde ḳalḳandur baña


İçmeyeliden ḳudurdum mı nice ̮oldum bilmezem
Ṣāf ü pāk āb·ı revānler ḳıp ḳızıl ḳandur baña


Yüregümi sīneden yarub çıḳarsunlar benüm
Kim ġam·ı tīrüñle ol bir ḳanlu peykāndur baña


Buldı her bir şeyde ẕihnüm gevher·i maʿnī·i ẖāş
Degme bir ḳaṭre Necātī baḥr·i ʿummāndur baña

 

  Neşâti Şiirleri

Neşati Divanı

Neşati Hayatı