Umaram kim diyicek bu cismüme cân el-vedâ’
05.04.2016Gazel
Umaram kim diyicek bu cismüme cân el-vedâ’
Dimeye ol demde câna mihr-i cânân el-vedâ’
Tâ ki düşdi ‘aşkuña dil dilberâ ol dem hemân
Mutlakâ dimişdurur derdüme dermân el-vedâ’
Rûşen oldı gün gibi hercâyî olduguñ senüñ
Mihrüñe şimdengirü iy mâh-ı tâbân el-vedâ’
Seyr-i hüsnüñden kim ola merdüm-i çeşmüm cüdâ
Aña beñzer hayâta diye insân el-vedâ’
Niçe niçe bu cihân halkına Nazmî âh kim
Döne döne anca dimişdür bu devrân el-veda
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr
0
1
Yorum Yapmak için Kayıt Olun veya Giriş Yapın