Vasluñuñ şükrânesi biñ cân olursa çok mıdur
06.04.20161.Vasluñuñ şükrânesi biñ cân olursa çok mıdur
Cânâ ol devlet kanı imkân olursa çok mıdur
2.Sûfî-yi sâfî yoluñda terk ider biñ ʽakl u din
Zülfiñüñ kasdında bir îmân olursa çok mıdur
3.Sâkiyâ ol kim sürâhî teg saña baş indürür
Bir kadeh senden aña ihsân olursa çok mıdur
4.Ben senüñle kavl idüp peymâneler nûş itmişem
Aramuzda ʽahd ile peymân olursa çok mıdur
5.Ay yüzüñ devrinde hûblar fitne çok engîz ider
Bir kamer devrinde yüz fettân olursa çok mıdur
6.Çün cihân sultânlarıdur kapuña kemter gedâ
Ger senüñ kemter kuluñ sultân olursa çok mıdur
7.Mîr Sülmân kim Süleymân’dur bugün himmet bile
Dâʽi ol şeh medhine Selmân olursa çok mıdur
Kemal YAVUZ, TÜRK EDEBİYATINDA ŞİİR VE İLK ŞİİR MECLİSLERİ, https://www.journals.istanbul.edu.tr/iuturkiyat/article/viewFile
0
1
Yorum Yapmak için Kayıt Olun veya Giriş Yapın