Visâl havsala-i ârzûya sıgmaz imiş
27.11.2021
Visâl havsala-i ârzûya sıgmaz imiş
O bâde-i mütereşşih sebûya sıgmaz imiş
Hücûm-ı leşker-i müjgâna dilde tâb mı var
O tengnâ-yı sipâh-ı dü-rûya sıgmaz imiş
Sipihre virdi fenâ âb-ı şu’le-tâb-ı dü çeşm
Mey-i dü âteşe zarf-ı kedûya sıgmaz imiş
Recâ-yı vuslata bir âh imiş vesîle hemân
Fesâne-i gam-ı dil güftgûya sıgmaz imiş
Hoşâ letâfet-i nazm-ı selîs ü kaht-ı mezâk
Ki âb-ı çeşme-i hurşîd cûya sıgmaz imiş
Fürûg-ı gevher-i idrâke teng imiş bu cihân
Metâ’ı âteş olan çârsûya sıgmaz imiş
Riyâ-yı mahz imiş ey Nâ’ilî ibâdet-i halk
Zülâl-i feyz birîk-ı vuzûya sıgmaz imiş
