Zâhidi gör ki gezer ‘aşk ile meyhâneleri

Zâhidi gör ki gezer ‘aşk ile meyhâneleri

Zâhidi gör ki gezer ‘aşk ile meyhâneleri

Göreli sendeki ol nergis-i mestâneleri

Yüzü gül şem’ine karşı yakılıp yanmak için

Kığırıp cem’ iderem her gece pervâneleri

Ol perî şânınadır zülfü perîşânına gör

Dağıtır müşk ile anber urıcak şâneleri

İtinin ayağına yüz süre baydak gibi şâh

Anda kim mât ede bir lu’b ile ferzâneleri

Şâh olur mülk-i cihâna bulur ol genc-i nihân

Her ki ma’mûr ide ’adl ile bu vîrâneleri

Vargıl ey zâhid-i hod-bîn bana efsûn okuma

Ben de çok okumuşam halka bu efsâneleri

Leb ü dendânını şeyhî dil ile vasf edicek

Nice hoş nazm eder ol la’l ile dürdâneleri

(bkz: fe’ilâtün fe’ilâtün fe’ilâtün fe’ilün)

Şeyhi Hayatı Edebi Kişiliği Eserleri

Şeyhi Hüsrev-i Şirin Mesnevisi

Şeyhi Harname Özeti Harnameden Bölümler

Şeyhi Divanı

Şeyhi Şiirlerinden Seçmeler