Zìr-i pây-ı Mevlevì’de her sadâ-yı pây-ı kûb
Münkir-i vecd ü semâ‘a tokınur mânend-i tûb

Sâha-i vicdânına ol tâ’ir-i kudsìlerüñ
Şeh-per-i tâvus-ı kuds olmak gerekdür hâk-rûb

Vaz‘ olaldan olmadı tarz-ı tarìkat ‘âleme
Böyle bir erkân-ı mergûb böyle bir âyìn-i hûb

Tâlib-i kûtu’l-kulûb olmak ne hâcet var iken
Mesnevì-i ma‘nevì mânendi bir kûtu’l-kulûb

Bir külâh u bir nemed vecd ü semâ‘ u nây u def
Sırrını keşf itmesün her şahsa ‘allâmü’l-guyûb
Sìne vü diller dururken şevk-i Mevlânâ ile
Çâme-çâk olmak nedür ‘ayb olmasa çâk-i ‘uyûb

Münkir-i erkân-ı hünkâr olma sûfì gerçi kim
‘Afv ider hep mâ‘adâ-yı şirki gaffâru’z-zünûb

Olmaz ey nâ-dân hazer kıl kân-ı lutf u hilm iken
Hiç Celâlü’d-dìn-i Rûmì gibi bir şâh-ı gazûb

Şemsdür ammâ ki şâm-ı subh-gâh-ı haşre dek
İrmez ol şems-i sipihr-i vahdete hergiz gurûb

Sikke-i sultâna baş egse n’ola Rûm u ‘Arab
Taht-ı hükm-i kutba dâ’irdür şimâl u hem gurûb

Bir penâh olmaz külâh-ı Hazret-i Monlâ gibi
Umaruz her ‘aybımuz setr ide Settâru’l-‘uyûb

Sırr-ı mahbûbiyyet-i Mevlâ’ya Mevlânâ-yı Rûm
Vechi mir’ât oldığıyçün oldı mahbûbu’l-kulûb

HAZRET-İ AGAZÁDE MUHAMMED DEDE

Tezkire-i Şu’arâ-yı Mevleviyye
Müellifi: Esrâr Dede
Hazırlayan: İlhan Genç

Esrar Dede Hayatı ve Şeyh Galip'le Dostluğu

Esrar Dede'ye Mersiye : Kan ağlasın bu dîde-i dürbârım ağlasın

Şeyh Gâlip Seçkin Şiirleri Hayatı Hüsn ü Aşk'tan Örnekler

Şeyh Galip Hayatı Edebi Kişiliği ve Eserleri

Hüsn-ü Aşk Mesnevisi Şeyh Galip