Arus-i kâmı niçün namurade vermezler

GAZEL

Arus-i kâmı niçün namurade vermezler

Müyesser olsa bile rugüşade vermezler

Ne denlü eyler isen arzıhal-i suz ü güdaz

Nüvişte-i ezlîden ziyade vermezler

Olurdu her kişi maksudu denlü hahişker

Yazık meta-i muradı mezade vermezler

Eder harab ya olmaz mideye vasıl

Bu bezm-i köhnede vezn üzre bade vermezler

Eğerçi sofa-i şatrecdir bu kevn ü fesad

Bakılsa müft sana bir piyade vermezler

Felek senin tutalım destine reh-i fursat

Heman bu denlü cihanı fesade vermezler

Bu köhne metbah-i âlemde kimseye Nabî

Neval-i ayşi dem-i iştihare vermezler

Mehmet KURTOĞLU, URFALI NABİ (Şair Nabi), Şanlıurfa Valiliği İl Kültür ve Turizm Müdürlüğü Yayınları Şehir Kitaplığı Dizisi:49

Nabi Hayatı

Hayriye

Hayrabad Mesnevisi