Gazel 

Âşık olduk dâm-ı zülf-i yâre düşdü gönlümüz 
Akla uyduk bir garîb âvâre düşdü gönlümüz 

Gamdan âzâd olmağa bilmem ne çâre eylesek 
Kaldı hayretde acep bîçâre düşdü gönlümüz 

Âşık olmakdır yine evlâsı ammâ derd bu 
Bir mülâyim âfet-i mekkâra düşdü gönlümüz 

Çeşmi bir zahm urdu tîğ-ı gamze-i bürrân ile 
Göz yumup açınca yüz bin pâre düşdü gönlümüz 

Fâriğ olsak n'ola dilber sevmeden Nef'î gibi 
Hüsn-i hulk-ı şâh-ı meh-dîdâra düşdü gönlümüz 

Şevkımız yok zevk-i câm-ı lâ'l-i nâb-ı dilbere 
Şi'r-i hâkân-ı şeker-güftâra düşdü gönlümüz 

Hazret-i Sultân Murâd Hân-ı kerîmü'ş-şân kim 
Şevk-i medhiyle garîb efkâra düşdü gönlümüz 

Cüst ü cû etdik âlem-i endîşede 
Iztırârî vâdî-i inkâra düşdü gönlümüz

 Nefi Hayatı Edebi Kişiliği Eserleri

Nefi Seçkin Şiirleri Gazel ve Kasideleri

Nefi Divanı ve Seçilmiş Şiirleri

Nefi Siham-ı Kaza

Nefi’yi idama götürmesi muhtemel şiiri