Hat gird-i arızında ki gâhî ıyan olur
12.05.2018
GAZEL
Hat gird-i arızında ki gâhî ıyan olur
Diller gubar-i hayret ile rîkdan olur
Sordukça çeşmi hal-i esiran-i gamzesin
Bîm ü ümid araya girer terceman olur
Mevzunkadan ü sîmtenan ü şekerleban
Bîre asâ fakîre gına cisme can olur
Lazım değil kitab-i gülistan o âfete
Ne nüsha korsa sinesine gülsitan olur
Şehr-i Sitanbulun ne güzel merdümanı kim
En sadelevhi nazik olur nüktedan olur
Bîharf-i telh kim var ise hâk-i şehrdir
Ebnayi şehr cümlesi şirinzeban olur
Hüsn-i nemedbeduş bulunmaz kenarde
Istanbul içre Nabî o da rayegân olur
Mehmet KURTOĞLU, URFALI NABİ (Şair Nabi), Şanlıurfa Valiliği İl Kültür ve Turizm Müdürlüğü Yayınları Şehir Kitaplığı Dizisi:49
