Hatırfüruz-i hüsnün zevk-i baharı neyler
GAZEL
Hatırfüruz-i hüsnün zevk-i baharı neyler
Ahuperest-i çeşmin sayd ü şikârı neyler
Yârin güzergehidir uşşaka cay-i rahat
Rindan-i haneberduş dar ü diyarı neyler
Düşmez güruh-i meste olmak hicabe beste
Rüsvaylık dururken namus ü ârı neyler
Etmez cüda rakîbi mened-i saye ol meh
Bilmem o şuh-i pür kâr ol nabkârı neyler
Pest ü bülend birdir sıyt ü sada-yi aşka
Nevbetzen-i mahabbet evc-i hisarı neyler
Nakşin girince cane mahvoldu arzular
Divar-i künci külhan nakş ü nigârı neyler
Kayd-i rusumdur hep tesbih ü tac ü hırka
Derviş-i bîser ü pa vaz’-i vekarı neyler
Merkezle âşina ol etme muhite rağbet
Müstağrak-i hakikat meyl-i kenarı neyler
Zıll olsa da çekilmez bar-i giran-i minnet
Seyyah-i bîalâik pay-i çenarı neyler
Yek nefha-i inayet eyler kenara vasıl
Nabî sefi ne-i dil ol ruzgârı neyler
Mehmet KURTOĞLU, URFALI NABİ (Şair Nabi), Şanlıurfa Valiliği İl Kültür ve Turizm Müdürlüğü Yayınları Şehir Kitaplığı Dizisi:49
