IV. Murada Kaside
IV. Murada Kaside
Gamzesi mahmûr olup sundukça câm-ı nâza dest
Nâz u şîveyle urur her bir müje bir sâza dest
2 Çeşmi yüz bin kan eder bir cünbiş-i müjgân ile
Dest-i kudretdir meğer ol mest-i tîr-endâza dest
3 Dil elinde tutmak ister zülfün ammâ n’eylesin
Erişir mi hîç şâḥbâz-ı Hümâ-pervâza dest
4 Vâsıta çok vuslata ammâ hemân lâzım olan
Yâra dâmân-ı keşîde âşık-ı ser-bâza dest
5 Devlet el vermezse geçdik n’eyleriz dünyâyı biz
Olmadan erişse tek bir dilber-i mümtâza dest
6 Nice mümkün böyle vadîde bu gûne penc-beyt
Urmayınca tab’-ı Nef’î hâme-i i’câza dest
7 Böyle hoş-tab’âna rindâne gazel mi derdi ol
Sunmasa ger Câm-ı feyz-i Hâfız-ı Şirâza dest
8 Şimdi ammâ böyle rif’at mi bulurdu pâyesi
Urmasa ger dâmen-i Sultân-ı ser-efrâza dest
9 Şeh Murâd Hân kim devâm-ı ömrün eylerler ricâ
Urduğunca evliyâ miftâh-ı genc-i râza dest
10 Âfitâb-ı kîmyâ-ger müflis olurdu eğer
Açmasa her subh o Hâkân-ı kerem-perdâza dest (Akkuş 1993: 28
Nefi Hayatı Edebi Kişiliği Eserleri
Nefi Seçkin Şiirleri Gazel ve Kasideleri
Nefi Divanı ve Seçilmiş Şiirleri
Nefi’yi idama götürmesi muhtemel şiiri
