Gîsusiyle bende düşdüm dir gönül
Didüm ana n’ola çünki bendesin

N’ola öpdüm gözüme sürdüm seni
Sen dahi âlemde bir tur-vendesin

Bendesin sen bendeyim ben tapuna
Bendeyim ben niçe ki sen bendesin

Gözlerüm giryân ü biryândur gönül
Leblerün şekker özün pür-handesin

Açıklama: vezni: feilâtün feilâtün feilâtün feilün

 

Hakk ne yazmış ise ezelde bolur (tuyuğ)

Hakk ne yazmış ise ezelde bolur
Göz neni ki görecek ise görür
İki âlemde Hak’a sığınmışuz
Tohtamış ne ola yâ Ahsah Temur.

vezni: fâilâtün fâilâtün fâilün

 

Hevâ ki şol senemün zülfini müşevveş ider (gazel)

Hevâ ki şol senemün zülfini müşevveş ider
Kohusını irürür bu dimâğuma hoş ider

Hevâsı varlığumun toprağın göğe savurur
Ağzının suyı yürekde yüz bin âteş ider

Eni ki zülfi keşişleri eyledi gönüle
Cihânda ancılayın işi kankı ser-keş ider

Bili kılı ne vücûdı ki saldı gîsûma
Zihî kol yarar onı özine ohşaş ider

Yüzünle gülşen içinde yanar gülün ciğeri
Anunçün ana sabâ şeb-nemün suyın reş ider

Sabâ hikâyet ider bülbüle cemâlünden
Kaçan ki yırta yahasını gonca ol gaş ider

Ne ki iderse gözün dil-firîb ider sanemâ
Ne kılur ise saçun cümlesini dil-keş ider

  vezni: mefâilün feilâtün mefâilün feilün

 

GAZEL

Nice ki ömrüm var benim, yüzün gibi yüz görmedim 
Vallah ki yüzün göreli, özgelere yüz görmedim 

Boyun gibi serv-i revan, gözün gibi nergis-i mest
Zülfün ile yüzün gibi gece vü gündüz görmedim    

Varlığım ilini şaha şöyle cemalin aldı ki
Ayineye kılıp nazar ben beni sensiz görmedim

Bin kez dahi görür isem her dem seni doyumazam
Bunca zaman geçmişdürür henüz dahi yüz görmedim

Aşkın düşeli içime yandı cihan dahi yele
Derdim gibi bu dünyada sepişken uyuz görmedim

Senin gibi gözü Hatâ, saçı Habeş, özü Huten
Belin gibi bir bel, dahi yüzün gibi yüz görmedim

TUYUGLARI

 

Yoluna cânın veren cân-bâzimiş
Işk eri ma’şûkına dem-sâzimiş
Gizleyim der idi âşık râzını
Göz yaşı, yüz sarısı gammâzimiş

...............

Erenler öz yolında tek gerek
Meydanda erkek kişi ner tek gerek
Yahşi yaman katı yumışak olsa hoş
Severim diyen kişi erkek gerek

 

 

Şiirleri

Edebiyat Dil bilim, Kültür, Folklor, Geleneksel ve Güzel Sanatlarla ilgili, Tez, yazı, İnceleme, ve Araştırmalarınız bize başvurarak bu sitede Paylaşabilirsiniz.

 BAŞVURU İÇİN : ESA, İLETİŞİM  veya s_kuzucular@hotmail.com