Kayddan âzâdeyiz kûy-ı ferâgat bekleriz
03.04.2016
GAZEL
(fâ i lâ tün/ fâ i lâ tün/ fâ i lâ tün/ fâ i lün)
Kayddan âzâdeyiz kûy-ı ferâgat bekleriz
Nakd-i sabrın genciyiz künc-i kanâat bekleriz
Sakin-i çâh-ı tabi'ât edeli devrân bizi
Ey kamer-ruh pertev-i necm-i hidâyet bekleriz
Haylıdan pîr-i mugânın sâkin-i dergâhıyız
Kâmrân-ı âlemiz bâb-ı sa'adet bekleriz
Aşk eli sultânının serdârıyız Mecnûn gibi
Gam sipahın cem' edip şâhım vilâyet bekleriz
Çün Hayâlî nâm bir şeydâya uydun ey refîk
Sen selâmet ol ki biz kûy-ı melâmet bekleriz
