Kûy-i dilber ne aceb hâk olacak yerlerdir
12.05.2018
GAZEL
Kûy-i dilber ne aceb hâk olacak yerlerdir
Hâk iken hemser-i efl âk olacak yerrerdir
Bezm-i ağyarde görmek o gül-i hodkâmı
Şişe-i mey gibi sadçâk olacak yerlerdir
Girye-i mesti görürken diyen âyâ kimdir
Sahn-i meyhane tarebnâk olacak yerlerdir
Bir nihalin verak-i zerd-i hazandide gibi
Payine düşmeğe bî bâk olacak yerlerdir
Sorma gülgeşt eder ol serv-i hoşayende hıram
Sarılıp gerdanine tâk olacak yerlerdir
Hele biz şad oluruz nail-i vasl olmaktan
Gerçi ağyare o gamnâk olacak yerlerdir
Şahid-i devlet-i ham meclis-i nâdan görmek
Nabiya düşmen-i idrâk olacak yerlerdir
Mehmet KURTOĞLU, URFALI NABİ (Şair Nabi), Şanlıurfa Valiliği İl Kültür ve Turizm Müdürlüğü Yayınları Şehir Kitaplığı Dizisi:49
