GAZEL
Mevc-i murad bade-i canperverimdedir
Harf-i neşat zîr-i leb-i sagarimdedir
Baz-i şikârgir-i çiragâh-i himmetim
Kâm-i dü kevn cünbüş-i bâl ü perimdedir
Benden sorun hak’ayik-i esrar-i âlemi
Te’lif-i razname-i dehr ezberimdedir
Ahımdadır kilid-i tılsımat-i genc-i ruh
Ab-i hayat lücce-i çeşm-i terimdedir
Nabî eder şügûfeleri dehr-i ıtrnâk
Bâğ-i bihişt hatır-i nazikterimdedir
Mehmet KURTOĞLU, URFALI NABİ (Şair Nabi), Şanlıurfa Valiliği İl Kültür ve Turizm Müdürlüğü Yayınları Şehir Kitaplığı Dizisi:49