Sararmış çehremi sanman ki reng-i za'ferândır bu
03.04.2016
GAZEL
(me fâ î lün/ me fâ î lün/ me fâ î lün/ me fâ î lün)
Sararmış çehremi sanman ki reng-i za'ferândır bu
Mahabbet âleminde dostum fasl-ı hazândır bu
Has ü hâşâke benzer üstühânlarla gören cismim
Dedi bir andelîbini uçurmuş âşiyândır bu
Hilâli çarhda gördün ne sandın ey müneccim sen
Havâdis okların atmağa dünyâya kemândır bu
Görenler mısra'-ı şi'rim aceb Mecnûn olur zîrâ
İzâr-ı Leylîde bir turra-i anber-feşândır bu
Nola tutsa Hayâlî âlemi tîğ-i zebâniyle
Suhan meydânının çâpük-süvârı pehlevândır bu
