Şi'r ü saz ü dilber ü mey kim cihânın cânıdır

 

 

 

GAZEL

(fâ i lâ tün/ fâ i lâ tün/ fâ i lâ tün/ fâ i lün)

Şi'r ü saz ü dilber ü mey kim cihânın cânıdır
Ca'fer-âbâdın bihamdillâh bugün erkânıdır

Lâciverdî sünbüliyle âsumânın aynıdır
Açılan nergisler anın encüm-i rahşânıdır

Ni'met-âbâdı nola benzetse şarkîler buna
Rûmda şöhret tutan şimdi acem yalanıdır

Kişvere-i ayş u tarabda beğliği var Ca'ferin
Nice bir zevk u sefâ ikliminin sultânıdır

Ya çıkarmak ya koparmak isterem zinhâr kim
Çeşmi nergisdir anın sünbül kökü dendânıdır,

Fakr vâdisinde ser-gerdân olan üftâdeler
Gûşe-i bî-tûşesinin her gece mihmânıdır

Ol cevân-merde nola ehl-i fütüvvet der isem
Varını bezl etmede Rûmun Ahî Evrânıdır

Ayn-ı Zemzem çâhı tekye Kâbe-i uşşakdır
Ana bu nazmı diyen ol Kâbenin Hassânıdır

 

 

       Hayali Bey Hayatı ve Edebi Kişiliği

       Hayali Bey Divanı ve Şiirleri