Yâre niyaz vasıt-i vahşet etmişüz
12.05.2018
GAZEL
Yâre niyaz vasıt-i vahşet etmişüz
Azürde etmişüz o mehi gafl et etmişüz
Nadanlığ ile anlamayup kadr-i sohbeti
Ol nazenin-i hüsne aceb sıklet etmişüz
Mağrur olup mülâtafet ü iltifatına
Küstahlıklar eylemeğe cür’et etmişüz
Naz ü niyazlarla verüp tab’ına keder
Kalbin remide eylemişüz hiffet etmişüz
Gayrin şefa’at etmeğe cürm ü günahını
Tahsil-i cürm-i tazeye biz rağbet etmişüz
Gayri olup fi rifte suz ü güdazına
Biz cebhemiz arakzede-i haclet etmişüz
Nabî bize rızasını tahsil farz iken
Bîca vuku-i rencişine sür’at etmişüz
Mehmet KURTOĞLU, URFALI NABİ (Şair Nabi), Şanlıurfa Valiliği İl Kültür ve Turizm Müdürlüğü Yayınları Şehir Kitaplığı Dizisi:49
