Kanuni Mersiyesi VI : Tîguñ içürdi düşmene zahm-ı

Kanuni Mersiyesi VI

 

1. Tîguñ içürdi düşmene zahm-ı zebânları

 Bahs itmez oldı kimse kesildi lisânları

2. Gördi nihâl-i serv-i ser-efrâz-ı nîzeni

 Ser-keşlik adın anmadı bir dahı bânları

3. Her kanda bassa pây-ı semendüñ nisâr içün

 Hânlar yolında cümle revân itdi cânları

4. Deşt-i fenâda mürg-ı hevâ turmayup konar

 Tîguñ Hudâ yolında sebîl itdi kanları

5. Şemşîr gibi rûy-ı zemine taraf taraf

 Salduñ demür kuşaklı cihân pehlevânları

6. Alduñ hezâr büt-gedeyi mescid eyledün

 Nâkûs yirlerinde okutduñ ezânları

7. Âhır çalındı kûs-ı rahîl itdüñ irtihâl

 Evvel konaguñ oldı cinân bûstânları

8. Minnet Hudâya iki cihânda kılup sa‘îd

 Nâm-ı şerîfüñ eyledi hem gâzî hem şehîd

 

Baki'nin Şiirleri

KANUNÎ MERSİYESİ I

KANUNÎ MERSİYESİ II HAKKA Kİ ZÎB Ü ZÎNET-İ İKBÂL Ü CÂH İDİ

KANUNÎ MERSİYESİ III : DÖKSÜN SEHÂB KADDİN AÑUP KATRE KATRE KAN

KANUNİ MERSİYESİ IV : OLSUN GAMUÑDA BENCİLEYİN

GÜN DOĞDU ŞÂH-I ÂLEM UYANMAZ MI HÂBDAN

KANUNİ MERSİYESİ VI : TÎGUÑ İÇÜRDİ DÜŞMENE ZAHM-I

KANUNİ MERSİYESİ VII : BÂKÎ CEMÂL-İ PÂDİŞEH-İ DİL-PEZÎRİ GÖR

KANUNİ MERSİYESİ VIII : DER-MEDH-İ VEZÎR-İ A‘ZÂM MEHEMMED PAŞA