Kanuni Mersiyesi VIII : Der-medh-i Vezîr-i a‘zâm Mehemmed Paşa
Kanuni Mersiyesi VIII
Der-medh-i Vezîr-i a‘zâm Mehemmed Paşa
- Kıldukça şâh-ı ‘âleme Hak fazl u rahmeti
Virsün cihânda Hazret-i Pâşâya devleti
- Sâhib-kırân-ı ‘arsa-i iklîm-i saltanat
Ol dem ki kıldı mülk-i bekâya ‘azîmeti
- Ol cism-i pâki cânı gibi eyledi nihân
Âsûde kıldı hâl-i sipâh u ra’iyyeti
- Halk-ı cihâna kırk sekiz gün tuyurmayup
Bir hafta kıldı gayrılar ancak bu hâleti
- Tedbîri gör ki irmedi kimse hayâline
Âsaf cihâna gelse göreydi vezâreti
- Gayret kemerlerini kuşandı kılıç gibi
Aldı Hisârı virdi Hudâ feth ü nusreti
- Râhat yüzini görmedi çalışdı cân ile
Çekdi Efendi yolına bu deñlü zahmeti
- Yâ Rab kemâl-i lutfuña kaldı senüñ hemân
Pâşâ kuluñ cihânda tamâm itdi hidmeti
- Âsîb-i dehr ü âfet-i devr-i zamâneden
Hıfz u himâyet eyle o sâhib-sa’âdeti
- Dâ’im çerâg-ı devlet ü bahtın münevver it
İki cihânda göñli murâdın müyesser it (Küçük, 1994)
KANUNÎ MERSİYESİ II HAKKA Kİ ZÎB Ü ZÎNET-İ İKBÂL Ü CÂH İDİ
KANUNÎ MERSİYESİ III : DÖKSÜN SEHÂB KADDİN AÑUP KATRE KATRE KAN
KANUNİ MERSİYESİ IV : OLSUN GAMUÑDA BENCİLEYİN
GÜN DOĞDU ŞÂH-I ÂLEM UYANMAZ MI HÂBDAN
KANUNİ MERSİYESİ VI : TÎGUÑ İÇÜRDİ DÜŞMENE ZAHM-I
KANUNİ MERSİYESİ VII : BÂKÎ CEMÂL-İ PÂDİŞEH-İ DİL-PEZÎRİ GÖR
KANUNİ MERSİYESİ VIII : DER-MEDH-İ VEZÎR-İ A‘ZÂM MEHEMMED PAŞA
